ဝမ်းမှန်စေလိုလျှင်

ဝမ်းမှန်စေလိုလျှင်

          ၀မ်းနှုတ်ဆေးများ ၀မ်းမှန်စေသည်ဆိုသည့် ဆေးများသည် ယခုအခါ  လူအများက ၀ယ်ယူသုံးစွဲနေကြသဖြင့် ရောင်းမလောက်သည့် ဆေးများဖြစ်နေပေသည်။ ၀မ်းတစ်လုံးကောင်း၊ ခေါင်းတစ်လုံးမခဲဆိုသည့် စကားအတိုင်း ကျန်းမာနေစေရန် နေ့စဉ် ၀မ်းမှန်မှန်သွားနေစေရန်  တစ်နည်းအားဖြင့် မြန်မာလူကြီးသူမများ ပြောလေ့ရှိသည့် ဓါတ်မှန်နေစေရန်  ၀မ်းမှန်မှန် နှုတ်ပေးရမည်၊ ၀မ်းနုတ်ဆေး မှန်မှန်စားပေးရမည်ဆိုသည့် အချက်မှာမူ မှားယွင်းနေပေသည်။  ဆေးကြော်ငြာများကလည်း ၀မ်းမှန်စေရန် ဘယ်လောက်အရေးကြီးကြောင်း၊ မိမိ၏ဆေးက မည်ကဲ့သို့ကောင်းကြောင်း၊ ၀မ်းချုပ်နေပါက ဗိုက်ထဲတွင် အပူအပုတ်များ စုဆောင်မိနေပြီး

သွေးသား မသန့်  မကျန်းမမာ ဖြစ်တတ်ကြေင်း စသည်ဖြင့် ရေးသားကြော်ငြာတတ်ကြသည်၊ ရိုးသားပြီး ယုံလွယ်ကြသူများက ထိုကဲ့သို့သော ၀မ်းသွားစေသည့် ဆေးဝါးများကို အမြောက်အများ ၀ယ်ယူသုံးစွဲလျက် ရှိကြပေသည်၊

မေးခွန်း။       ။ ၀မ်းချုပ်ရခြင်း အကြောင်းရင်းများမှာ အဘယ်နည်း။ ၀မ်းမှန်စေရန် ၀မ်းနှုတ်ဆေး သောက်ဖို့လိုအပ်ပါသလား။
     
    ၀မ်းချုပ်တတ်သူများ အများစုမှာ ၀မ်းနှုတ်ဆေးသောက်ရန် လုံးဝမလိုအပ်ပေ။ ယခုခေတ်တွင် ၀မ်းမကြာခဏ ချုပ်ရခြင်းအကြောင်းရင်းမှာ စားသောက်နေကြသည့် အစားအစာများတွင် အစာကြမ်းနည်းပါးပြီး ပြုပြင်ထုတ်လုပ်ထားသည့် အရံသင့် အစာအစားများ များပြားနေသောကြောင့်ဖြစ်သည်။ ထိုပြုပြင် ထုတ်လုပ်ထားသည့် အစာအစားများသည် ကြေညက်လွယ်ပြီး ၀မ်းဖြစ်ပေါ်မှု့ ပမာဏ နည်းပါးစေပါသည်။ အမျှင်ပေါများသည့် မပြုပြင်ရသေးသော အစာကြမ်းများ ဖြစ်သည့် ဟင်းသီးဟင်းရွက်နှင့် အသီးမျိုးစုံကို စားသုံးမှု့ပမာဏ များပြားမှသာ ၀မ်းဖြစ်ပေါ်မှု  ပမာဏများပြီး ၀မ်းမှန်လေ့ ရှိပါသည်။ ယခုခေတ်၌ ကျွန်ုပ်တို့ စားသောက်နေကြသည့် အစားအစာ အများစုဖြစ်သည့်  ခေါက်ဆွဲ၊ မုန့်တီ၊ ကြာဇံ၊ ပေါင်မုန့်၊ ကိတ်မုန့်၊ သကြား စသည်တို့သည် ဆန်၊ဂျူံ၊ ကြံ စသည့် မူရင်း  အစာကြမ်းများမှနေ၍ အရံသင့် စားနိုင်ရန် ပြုပြင်ထုတ်လုပ်ထားသဖြင့် အလွယ်တကူ ကြေညက်ပြီး၊စားသမျှကို အူနံရံမှ စုတ်ယူကာ၊ အူအတွင်း၌ ဖိုင်ဘာခေါ် အမျှင်အဖတ်များ ကျန်ရစ်မှု နည်းပါးနေတတ်ပါသည်။

      ထိုအခါ ၀မ်းမမှန်ခြင်း။ ၀မ်းကုန်စင်အောင် မသွားနိုင်ခြင်း၊ ၀မ်းချူပ်ခြင်းတို့ ဖြစ်ပေါ် ခံစားရလေ့ရှိသည်။ လူတချို့သည်  တစ်ရက်၊ နှစ်ရက်ခန့် ၀မ်းမသွားဘဲ ရှိနေပါက စိတ်ပူပန်လာတတ်သည်။ ထိုအခါ  ၀မ်းနှုတ်ဆေးများသောက်၍ ၀မ်းသွားအောင်  ပြုလုပ်လေ့ ရှိကြသည်။ အမှန်မှာ သူတို့အနေဖြင့် ၀မ်းနုတ်ဆေး သောက်ရန် မလိုအပ်ပေ။ ၀မ်းဖြစ်ပေါ်မှု့ပမာဏ နည်းပါးနေ၍ အူများက  ၀မ်းစွန့်ထုတ်ပစ်ရန် အတွက် လှုပ်ရှားမှု့ မရှိသေးသဖြင့် ၀မ်းမသွားသေးဘဲ တစ်ရက်၊ နှစ်ရက်ခန့်  ကြာနေခြင်းဖြစ်သည်။ ၀မ်းနှုတ်ဆေးသောက်၍ ၀မ်းသွားအောင် ပြုလုပ်ခြင်းသည် အကျင့်ပါသွားတတ်ပြီး အများအားဖြင့် ကျန်းမာရေးကို ထိခိုက်စေတတ်ပါသည်၊၊

     ၀မ်းမချုပ်စေရန်(တစ်နည်း) ၀မ်းမှန်စေရန် မည်ကဲ့သိူ့ ပြုလုပ်ရပါမည်နည်း

  ၀မ်းမှန်စေလိုသော်-

(၁) ဖိုင်ဘာခေါ် အမျှင်အဖတ် ပေါကြွယ်ဝသော အစားအစာများကို နေ့စဉ် စားသုံးသော အစားအစာများ၌ များများပါဝင်အောင် ဂရုစိုက် စားသုံးပေးရမည်၊
     ကြံမှ ကြံရည်စုတ်ယူပြီး  အဖတ်ကျန်သလို ကျွန်ုပ်တို့ စားသုံးလိုက်သော အစားအစာများသည် အဟာရ စုပ်ယူပြီးသောအခါ အဖတ်များ အူအတွင်း၌ ကျန်ရစ်ခဲ့လေသည်၊ အမျှင်ဓါတ် များများပါသော အစားအစာများသည် အူအတွင်း အမျှင်အဖတ် များများကို ကျန်ရှိစေသဖြင့် အူမကြီး၏  ကြွက်သားများ လှုပ်ရှားမှု့ကို  လှူံဆော်ပေးကာ အစာဟောင်းများကို ပြင်ပသို့ မြန်မြန် ထွက်စေသောကြောင့် ၀မ်း ကိုမှန်စေပါသည်။ ဟင်းသီး ဟင်းရွက် မျိုးစုံနှင့် သစ်သီးများသည် အမျှင်ဓါတ် ပေါများသော အစားအစာများဖြစ်ကြသည်။ ထို့ကြောင့် ၀မ်းမချုပ်စေဘဲ ၀မ်းမှန်စေလိုပါက ကန်စွန်းရွက်၊ ဟင်းနုနွယ်၊ ဂေါ်ဖီထုပ်၊ ဂေါ်ဖီပန်း၊ သရက်သီး၊ သင်္ဘောသီး၊ ဖရဲသီး၊ စပျစ်သီး၊ ငှက်ပျောသီး၊ စသည်တို့ တစ်မျိုးမျိူးကို နေ့စဉ် ပုံမှန် များများစားသုံးပေးရပါမည်၊ ထိုကဲ့သို့ အမျှင်များပါသော ဟင်းသီးဟင်းရွက်များ၊ အသီးအနှံများကို စားပေးခြင်းသည် သဘာဝကို အားပေးသော နည်းဖြစ်သဖြင့် ၀မ်းနှုတ်ဆေးများ စားခြင်းထက် များစွာကောင်းမွန်လှပေသည်။

(၂) ၀မ်းမချုပ်စေဘဲ ၀မ်းပျော့ပျော့ သွားလိုပါက  ဖွဲနုမှုန့်ကို များများစားသုံးပေးသင့်ပါသည်။ ၎င်းသည် အဟာရလည်းဖြစ်ပြီး၊ ကျန်သောအမျှင်အဖတ်များကလည်း မစင်ကို ဖြစ်စေပြီး အူနံရံမှ ရေစုပ်ယူမှုကို နည်းပါးစေသဖြင့် ၀မ်းကို ပျော့ပျော့သွားစေပါသည်၊

(၃) အလားတူပင် မုန်ညှင်းရွက်ကို စားသုံးပါကလည်း ၀မ်းမှန်စေပါသည်၊ မုန့်ညှင်းရွက်ကို ကိုယ်အလေးချိန် လျှော့ချလိုသူများ စာေးသာက်ရန် အစားအစာတစ်ခုအဖြစ်လဲ ဆရာဝန်များက ညွှန်ကြားလေ့ရှိပါသည်။ အဘယ်ကြောင့်ဆိုသော် ၎င်းကို ထမင်းမစားခင် စားသုံးပေးပါက အလွယ်တကူ ဗိုက်တင်းစေပြီး ထမင်းကို လျှော့စားနိုင်စေသည့် အပြင် ကယ်လိုရီ ပမာဏလည်း နည်းနည်းသာ ပါစေသောကြောင့်ဖြစ်သည်၊ ထို့ပြင် အမျှင်ဓါတ်များများပါသဖြင့် အစာလျှော့စားပြီး အလေးချိန်လျှော့ချနေသူများ ၀မ်းမချုပ်စေရန် အတွက် အထူးပင် သင့်တော်သည့် အစားအစာတစ်ခုဖြစ်သည်၊ ထို့ကြောင့် အကောင်းဆုံး ၀မ်နှုတ်ဆေးဟူသည် အမျှင်များများပါသော အစားအစာတို့သာဖြစ်သည်၊

(၄) နံနက်အိပ်ယာထချိန်၌ ရေရိုးရိုးကို ဗိုက်တင်းအောင်သောက်ခြင်း၊ ရေနွေးနွေး တစ်ခွက်သောက်ခြင်း၊ ကော်ဖီပူပူတစ်ခွက်သောက်ခြင်းနှင့် လိမ္မော်ရည် လတ်လတ်ဆတ်ဆတ် တစ်ခွက်သောက်ခြင်းတို့သည် ၀မ်းကိုမှန်စေပါသည်။

(၅)  စပျစ်သီးကို စားပေးခြင်းဖြင့်လည်း ၀မ်းကိုမှန်စေနိုင်ပါသည်၊ စပျစ်သီး၌  ၀မ်းကို ပျော့စေတတ်သော ဓါတ်တစ်မျိူး ပါရှိသောကြောင့် ဖြစ်သည်၊

(၆) ကိုယ်လက်လှုပ်ရှားမှု့ ကျန်းမာရေး လေ့ကျင့်ခန်းများ ပြုလုပ်ခြင်းသည် ၀မ်းဗိုက်အတွင်းရှိ အူများ လှုပ်ရှားမှု့ကို အားပေးသဖြင့် ၀မ်းကိုမှန်စေပါသည်၊ ကျန်းမာရေး လေ့ကျင့်ခန်းများ ပြုလုပ်ပြီး ရေ အ၀သောက်ပေးခြင်းဖြင့် ၀မ်းနုတ်ဆေး မသုံးရဘဲ အချိန်တိုအတွင်း ၀မ်းသွားစေနိုင်ပါသည်။

       ကျွန်ုပ်တို့ ဘိုးဘွားများသည် ၀မ်းမှန်စေရန် လွန်စွာ ဂရုစိုက်လေ့ရှိကြသည်။ ကျန်းမာနေစေရန်  ၀မ်းချုပ်မခံရန်လိုကြောင်း မကြာခဏ မှာကြားလေ့ရှိကြသည်၊ ဤသည်မှာ မှန်ကန်ပြီး ကွှန်ုပ်တို့ ဂရုစိုက်သင့်သည့် ကျန်းမာရေးဆိုင်ရာ လိုအပ်ချက် တစ်ခုလည်းဖြစ်သည်၊ အဓိကအချက်မှာ ကျွန်ုပ်တို့ အူမကြီးအတွင်း၌ စုမိလာသော အညစ်အကြေးများကို မှန်မှန် အပြင်သို့ စွန့်ထုတ်ပစ်ရန် လိုအပ်ခြင်း ဖြစ်သည်၊ သို့သော် တစ်ရက်၊ နှစ်ရက်ကြာမျှ ၀မ်းမသွားသောကြောင့်ဖြစ်စေ၊ အခြားအကြောင်း တစ်ခုခုကြောင့်ဖြစ်စေ ၀မ်းနှုတ်ဆေး အပြင်းများကိုသောက်၍ ၀မ်းသွားအောင် ပြုလုပ်ခြင်းကိုမူ ရှောင်ကြဉ်ရပါမည်၊

      အနောက်တိုင်း ဆေးသိပ္ပံပညာအရ ၀မ်းတစ်ရက်၊ နှစ်ရက်ခန့် ချုပ်ခြင်းကို အရေးကြီးသည့် လက္ခဏာတစ်ခုအဖြစ် မယူသော်လည်း ဆေးကုမ္ပဏီများစွာတို့သည် ၀မ်းနှုတ်ဆေးများကို ဆေးလုံး၊ ဆေးရည်၊ ဆေးမှုန့် စသည်ဖြင့်အမျိုးမျိူး ထုတ်လုပ် ရောင်းချလျက်ရှိကြသည်၊ လူအများကလည်း အလွယ်တကူ ၀ယ်၍ရသော ကြော်ငြာကောင်းသည့် ၀မ်းနုတ်ဆေးများကို အသုံးပြု၍ ၀မ်းမှန်မှန် သွားစေရန် သဘာဝကို ဆန့်ကျင်၍ ကြိုးစားလာတော့သည်။

ဝမ်းနုတ်ဆေးများ၏ အန္တရာယ်
 
       အမေရိကန် ပြည်ထောင်စု တစ်ခုတည်း၌ပင် ၀မ်းနုတ်ဆေးများ ထုတ်လုပ် ရောင်းချမှု့ပမာဏ နှစ်စဉ် ဒေါ်လာသန်းပေါင်းများစွာရှိသည်ဟု ဆိုပါသည်၊ အန္တရာယ် အနည်းငယ်သာရှိသော ၀မ်းပျော့ဆေးများသည် အန္တရာယ်များစွာရှိပြီး ကျန်းမာရေးကို ထိခိုက်စေနိုင်သော ၀မ်းနုတ်ဆေးမျိုးအထိ ပါဝင်လျှက်ရှိပါသည်၊ ဥပမာအားဖြင့် ၀မ်းနှုတ်ဆီ တစ်မျိူ (Mineral oil)သည် ဗိုက်တာမင်အေနှင့် ဗိုက်တာမင်အီးဓါတ်တို့ကို အူများမှ စုပ်ယူနိုင်မှုအား အနှောက်အယှက် ပေးတတ်သည်၊ ပွေးကိုင်း ၀မ်းနုတ်ဆေး(Senna)ကဲ့သို့သော ၀မ်းနုတ်ဆေးများမှာ မကြာခဏသုံးစွဲလျှင်ဖြစ်စေ၊ အများအပြားသုံးစွဲမိလျှင်ဖြစ်စေ အူမကြီး၏ အာရုံကြောအဖွဲ့အစည်းများကို လုံးဝပျက်စီးသွားနိုင်စေကြောင်း တွေ့ရှိရပါသည်။ မည်သည့်  ၀မ်းနှုတ်ဆေးမဆို ကြာရှည် မကြာခဏ သုံးစွဲပါက အစာချေလမ်းကြောင်းရှိ အစာအိမ်နှင့်အူများ၏ ပုံမှန်လုပ်ငန်းများကို  အနှောင့်အယှက် ဖြစ်စေပါသည်။ ထို့အပြင် ကိုယ်အတွင်း၌ ပိုတက်ဆီယမ်ဓါတ် လျော့နည်းလာစေပြီး အူများ အလုပ်မလုပ်၊ မလှုပ်ရှားတော့ဘဲ ၀မ်းနှုတ်ဆေး မသောက်ပါက ၀မ်းမသွားတော့သည့် အခြေအနေမျိုးရောက်ကာ ၀မ်းနုတ်ဆေး စွဲသွားတတ်ပါသည်။

        ထိုသို့သော အန္တရာယ်များ ရှိနေသဖြင့် ၀မ်းနုတ်ဆေး၊ ၀မ်းပျော့စေသည့်ဆေးများကို အောက်ပါ အခြေအနေများမှလွဲ၍ အတတ်နိုင်ဆုံးရှောင်ရှားသင့်သည်ဟု အင်္ဂလန်နိုင်ငံ ဆေးဝါးများကောင်စီက အကြံပြုထားပါသည်။၎င်းတို့မှာ-
(၁) ၀မ်းချုပ်သဖြင့် ၀မ်းကိုညှစ်ပြီး အားစိုက်၍သွားရပါက ရောဂါတစ်ခု၏အခြေအနေ ပိုပြီးဆိုးဝါးလာနိုင်သည့် အခါမျိုး။ (ဥပမာ-နှလုံးသွေးကြောကျဉ်းပြီး ရင်ဘတ်အောင့်သည့်ရောဂါ ရှိနေခြင်းမျိုး)
(၂) ၀မ်းချုပ်ပါက(သို့မဟုတ်) ၀မ်းမာနေပါက စအိုမှ သွေးယိုစီးမှု ဖြစ်ပွားလာနိုင်သည့် အခြေအနေမျိုး၊ (ဥပမာ- လိပ်ခေါင်းရောဂါ)
(၃) ဆေးဝါး တစ်ခုခုကြောင့် ၀မ်းချူပ်သည့် အခါမျိူး
(၄) သန်ချပြီးနောက် အူထဲမှ သန်ကောင်များ အပြင်သို့ ထွက်စေရန် လိုအပ်သည့် အခါမျိုး၊
(၅) ခွဲစိပ်ရန်(သို့မဟုတ်) အူဓာတ်မှန်ရိုက်ရန်အတွက် အူလမ်းကြောင်း၌ မစင်အညစ်အကြေးများ မရှိစေရန် လိုအပ်သည့်အခါမျိူး စသည့် အခြေအနေမျိူးမှလွဲ၍ ၀မ်းပျော့ဆေး၊ ၀မ်းနှုတ်ဆေးများကို မသုံးစွဲသင့်ဟု ဆိုပါသည်။